PRESS RELEASES


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 21.03.2019


ԱՍՏՂԱԳԻՏԱԿԱՆ ԽՄԲԱԿԻ ՄԵԿՆԱՐԿԸ

ՀՀ ԳԱԱ Վ. Համբարձումյանի անվան Բյուրականի աստղադիտարանը շարունակում է աստղագիտական խմբակների ծրագրի իրականացումը: Ս. թ. մարտի 21-ին տեղի ունեցավ աստղագիտական խմբակի գարնանային շրջանի պաշտոնական մեկնարկը: Բյուրականի աստղադիտարանը հյուրընկալեց Արագածոտնի մարզի գ. Բյուրականի Հովհաննես Թումանյանի անվան միջնակարգ և գ. Օրգովի Արբի Թրպանճյանի անվան միջնակարգ դպրոցների բարձր դասարանների աշակերտներին, ովքեր և կլինեն խմբակի դասընթացների մասնակիցները:

Ողջույնի խոսքով հանդես եկավ Բյուրականի աստղադիտարանի տնօրեն Արեգ Միքայելյանը, ով աշակերտներին ներկայացրեց Հայաստանում աստղագիտության զարգացման պատմությունը հին օրերից մինչ մեր օրեր:

Աստղագիտական խմբակը կվարի երիտասարդ գիտաշխատող Հայկ Աբրահամյանը, ով նաև ՀԱՊՀ Երևանի ավագ դպրոցում վարում է աստղագիտական խմբակ: Վերջինս ինտերակտիվ քննարկման եղանակով երեխաներին ծանոթացրեց խմբակի նպատակին և ամբողջական ծրագրին:

Աստղագիտական խմբակը կսկսի գործել ապրիլի 4-ից, իսկ տևողությունը կլինի մեկուկես ամիս, որի շրջանակներում աշակերտները հնարավորություն կունենան ոչ միայն ձեռք բերել գիտելիքներ, այլև ծանոթանալ աստղադիտարանին:

Մելինե Ասրյան

      


Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2018, Byurakan Astrophysical Observatory