PRESS RELEASES


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 06.04.2019


Այս տարի նշվում է
ՄԻՋԱԶԳԱՅԻՆ ԱՍՏՂԱԳԻՏԱԿԱՆ ՄԻՈՒԹՅԱՆ
հիմնադրման 100-ամյակը

Այս տարի Միջազգային աստղագիտական միությունը (ՄԱՄ) տոնում է իր հիմնադրման 100-ամյակը: Նշենք, որ ՄԱՄ-ը հիմնադրվել է 1919թ-ին Բրյուսելում:

Ս. թ. ապրիլի 11-13-ին Բրյուսելում՝ Բելգիայի Թագավորական Ակադեմիայի պալատում, կտրվի ՄԱՄ-ի 100-ամյակին նվիրված համալիր միջոցառումների պաշտոնական մեկնարկը:

Առաջին միջոցառումը կկայանա ապրիլի 11-12-ին Բելգիայի Թագավորական Ակադեմիայի պալատում: Այն կկրի «100 տարի մեկ երկնքի տակ» խորագիրը: Միջոցառմանը պաշտոնական հրավերով ներկա կգտնվի ՀՀ ԳԱԱ Վ. Համբարձումյանի անվան աստղադիտարանի տնօրեն Արեգ Միքայելյանը: Իսկ ապրիլի 13-ին ՄԱՄ-ը կկազմակերպի սիրող աստղագետների համար իր անդրանիկ միջոցառումը: Այս հանդիպումը նպատակ է հետապնդում ապագայում կապեր ստեղծել սիրող աստղագետների, նրանց կազմակերպությունների և ՄԱՄ-ի միջև:

Տեղեկացնենք, որ այս նշանակալից իրադարձությանը՝ ՄԱՄ-ի գործունեության 100-ամյակին նվիրված միջոցառումներ կանցկացվեն ողջ տարվա ընթացքում: Նպատակն է բարձրացնել մեկդարյա աստղագիտական հայտնագործությունների մասին իրազեկվածության մակարդակը, ինչպես նաև աջակցել աստղագիտությունը որպես կրթական գործիք օգտագործելուն:

Համաշխարհային մակարդակով անցկացվող հազարավոր միջոցառումների շարքում տոնվելու են նաև մի շարք նշանակալից իրադարձություններ, ինչպիսին օրինակ՝ 1969թ-ի Լուսնի վրա վայրէջքի 50-ամյակը. 1969թ-ի հուլիսի 20-ին Նիլ Արմսթրոնգը առաջին մարդն էր, ով ոտք դրեց Լուսին:

Ավելին կարող եք իմանալ՝ անցնելով հետևյալ հղումով https://www.iau-100.org/

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2018, Byurakan Astrophysical Observatory