NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 15.01.2021


ՏԵՂԻ ՈՒՆԵՑԱՎ ՄԱՄ ԱՍՏՂԱԳԻՏՈՒԹՅԱՆ ԶԱՐԳԱՑՄԱՆ ԿԵՆՏՐՈՆԻ ԵՌԱՄՍՅԱ ԽՈՐՀՐԴԱԿՑՈՒԹՅՈՒՆԸ

Հունվարի 14-ին տեղի ունեցավ ՄԱՄ-ի Աստղագիտության զարգացման կենտրոնի (OAD) և 11 տարածաշրջանային կենտրոնների (ROAD) ներկայացուցիչների եռամսյա խորհրդակցությունը, որի ընթացքում կատարվեց կենտրոնների եռամսյա գործունեության ամփոփումը։

ՄԱՄ-ը համակարգում է աստղագիտության զարգացումը 11 տարածաշրջանային և լեզվի կենտրոնների միջոցով, որոնք գտնվում են Հայաստանում (Հարավարևմտյան և Կենտրոնական Ասիա), Կոլումբիայում և Չիլիում (Անդյան տարածաշրջան), Հորդանանում (Արաբական աշխարհ և արաբերեն), Եթովպիայում (Արևելյան Աֆրիկա), Չինաստանում (Արևելյան Ասիա և չինարեն), Նիդերլանդներում (Եվրոպա), ԱՄՆ-ում (Հս. Ամերիկա), Պորտուգալիայում (պորտուգալերեն), Թաիլանդում (Հարավարևելյան Ասիա), Զամբիայում (Հարավային Աֆրիկա) և Նիգերիայում (Արևմտյան Աֆրիկա): Նշենք, որ վերոնշյալներից Եվրոպան և Ամերիկան վերջին տարիներին են միացել կենտրոնին։

Հայաստանը՝ ի դեմս Բյուրականի աստղադիտարանի (ԲԱ), հանդիսանում է ՄԱՄ Հարավարևմտյան և Կենտրոնական Ասիայի աստղագիտության զարգացման տարածաշրջանային կենտրոն։ Չնայած համավարակի կողմից ստեղծված դժվարություններին՝ ԲԱ-ն կարողացել է ակտիվորեն մասնակցել միջազգային տարբեր գիտական միջոցառումների, այդ թվում՝ «Կրթությունն ու ժառանգությունն աստղագիտության մեջ Մեծ տվյալների դարաշրջանում» խորագիրը կրող ՄԱՄ №367 գիտաժողովին, Վիրտուալ աստղադիտարանների միջազգային ալյանսի (ՎԱՄԱ, IVOA) և Մոլորակային տվյալների միջազգային ալյանսի (IPDA) ժողովներին, Մերձավոր Արևելքի և Աֆրիկայի տարածաշրջանային ՄԱՄ համաժողովին և այլն։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան