NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 18.01.2021


ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՏԱՐԵՍԿԶԲՅԱ ՀՈԲԵԼՅԱՐՆԵՐԸ

Օրեր առաջ լրացել է Բյուրականի աստղադիտարանի (ԲԱ) նախկին 2 աշխատակիցների՝ ֆիզմաթ գիտությունների թեկնածուներ Ղազար Գասպարյանի և Աշոտ Ղարիբջանյանի 75-ամյակը։

Ղազար Գասպարյանը ծնվել է 1946թ․-ի հունվարի 1-ին Երևանում։ 1963-1968թթ․ սովորել է Երևանի պետական համալսարանում։ 1971թ․-ին Երևանում Բյուրականի աստղադիտարանի մասնաճյուղում եղել է լաբորանտ, 1972թ․-ին ՀԽՍՀ ԳԱ ասպիրանտ, իսկ 1973թ․-ին՝ ԲԱ տիեզերական աստղագիտության մասնաճյուղի կրտսեր գիտաշխատակից։ 1973-1977 թթ․ Ղ․ Գասպարյանը «ԱՍՏՐՈ» ԳԱՕՄՄ-ի կրտսեր գիտաշխատակից էր, իսկ արդեն 1977-1978թթ․՝ ավագ գիտաշխատակից։ 1977թ-ին Գրիգոր Գուրզադյանի ղեկավարությամբ պաշտպանելով «Օրիոնում բռնկվող և Hα առաքումով աստղերի UBV լուսաչափություն» թեմայով թեզը՝ ստացել է ֆիզմաթ գիտությունների թեկնածուի աստիճան։ 1978-1979թթ․ նա եղել է «Գրանիտ» ՀԿԲ-ի ավագ գիտաշխատակից։ Ղ․ Գասպարյանը ԲԱ-ում սկսել է աշխատել 1979թ-ից՝ որպես «Աստղերի և միգամածությունների ֆիզիկա» գիտահետազոտական բաժնի ավագ գիտաշխատակից։ 1989-1994թթ․ նա ԲԱ գիտական քարտուղարն էր։ ԲԱ-ում աշխատել է մինչև 2003թ․, որից հետո մեկնել է Ռուսաստան։

Աշոտ Ղարիբջանյանը ծնվել է 1946թ-ի հունվարի 1-ին Երևանում։ 1964-1972թթ․ սովորել է Երևանի պետական համալսարանի ֆիզիկայի ֆակուլտետում աստղաֆիզիկա մասնագիտությամբ։ ԲԱ-ում է աշխատել 1969-1996թթ սկզբում որպես «Աստղերի և միգամածությունների ֆիզիկա» գիտահետազոտական բաժնի լաբորանտ, 1972թ-ից՝ ավագ լաբորանտ, 1973թ-ից՝ կրտսեր գիտաշխատակից, 1986թ-ից՝ գիտաշխատակից, իսկ 1992թ-ին նշանակվել է թեմայի ղեկավար։ 1984թ-ին պրոֆ․ Օլեգ Մելնիկովի ղեկավարությամբ պաշտպանելով «Որոշ OB աստղասփյուռների ուղղությամբ ջերմ աստղերի և կլանող նյութի բաշխումը» թեմայով թեզը՝ ստացել է ֆիզմաթ գիտությունների թեկնածուի աստիճան։ ԲԱ-ում աշխատել է մինչև 1996թ․, որից հետո մեկնել է ԱՄՆ։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան