NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 28.03.2019


ՍԵՄԻՆԱՐ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ

Ս.թ. մարտի 28-ին ՀՀ ԳԱԱ Վ. Համբարձումյանի անվան աստղադիտարանում անցկացվեց ընդհանուր սեմինար: Սեմինարով հանդես եկավ ԲԱ ավագ գիտաշխատող, ֆմգթ Արարատ Եղիկյանը՝ ներկայացնելով «Ցածր էներգիաներով տիեզերական մասնիկները աստղաֆիզիկայում» թեմայով ընդհանրացված զեկույցը:

Զեկուցման շրջանակներում քննարկվեցին ցածր (1 ՄէՎ և ավելի) էներգիաներով գալակտիկական տիեզերական մասնիկների (ԳՏՄ) առաջացումը, տարածումը միջաստղային ամպերում և փոխազդեցությունը միջավայրի հետ: Հիմնական աղբյուրները հանդիսանում են Գերնոր աստղերը, բայց քննարկվեցին նաև այլ աղբյուրներ, որոնք կարևոր են տեղական իմաստով, օրինակ, մոլորակաձև միգամածությունների, WR, O, B աստղերի քամիները, արեգակնային քամին և այլն:

Ցույց տրվեց, որ Ֆերմի 1 մեխանիզմը կարող է ապահովել հարվածային ալիքի ճակատում ԳՏՄ-ների հետ համեմատ մի քանի կարգով գերազանցող հոսքեր: Մանրամասն քննարկվեց ՄէՎ-անոց տիեզերական մասնիկներից սկսվող մոլեկուլային ամպերի աստղաքիմիան:

Տիեզերական մասնիկներն են ապահովում ամպերի ներքին շրջանների կորպուսկուլային և գերմանուշակագույն ճառագայթահարումը, կուտակելով (ամպի կյանքի ընթացքում) ճառագայթման դոզան, որը գերազանցում է լաբորատոր շեմային արժեքները: Այն կարևոր է ճառագայթային-քիմիական փոխակերպումների համար:

Մելինե Ասրյան

   



0213, Byurakan, Aragatzotn Province, Republic of Armenia ՀՀ, Արագածոտնի մարզ, Բյուրական, 0213
(+374-91) 195901
observ@bao.sci.am


National Academy of Sciences of RAՀՀ գիտությունների ազգային ակադեմիա
Science Committee of RAՀՀ գիտության կոմիտե
Viktor Ambartsumian International PrizeՎիկտոր Համբարձումյանի անվան միջազգային մրցանակ
International Astronomical UnionՄիջազգային աստղագիտական միություն
IAU Office of Astronomy for DevelopmentՄԱՄ աստղագիտությունը զարգացման համար գրասենյակ
   

© Byurakan Astrophysical Observatory© Բյուրականի աստղադիտարան