Մամուլի հաղորդագրություն


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 12.04.2019


ՄԱՄ-ի 100-ամյակին նվիրված միջոցառումների մեկնարկը տրված է

Ս. թ. ապրիլի 11-12-ին Բրյուսելում՝ Բելգիայի Թագավորական Ակադեմիայի պալատում, տրվեց ՄԱՄ-ի 100-ամյակին նվիրված համալիր միջոցառումների պաշտոնական մեկնարկը: Առաջին միջոցառումը կրում էր «100 տարի մեկ երկնքի տակ» խորագիրը: Միջոցառմանը պաշտոնական հրավերով ներկա գտնվեց ՀՀ ԳԱԱ Վ. Համբարձումյանի անվան Բյուրականի աստղադիտարանի տնօրեն Արեգ Միքայելյանը:

Տեղեկացնենք, որ ՄԱՄ-ի գործունեության 100-ամյակին նվիրված միջոցառումներ կանցկացվեն ողջ տարվա ընթացքում: Նպատակն է բարձրացնել մեկդարյա աստղագիտական հայտնագործությունների մասին իրազեկվածության մակարդակը, ինչպես նաև աջակցել աստղագիտությունը որպես կրթական գործիք օգտագործելուն:

Համաշխարհային մակարդակով անցկացվող հազարավոր միջոցառումների շարքում կտոնվեն նաև մի շարք նշանակալից իրադարձություններ, ինչպիսին օրինակ՝ 1969թ-ի Լուսնի վրա վայրէջքի 50-ամյակն է:

Ավելին կարող եք իմանալ՝ անցնելով հետևյալ հղումով https://www.iau-100.org/

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory