Մամուլի հաղորդագրություն


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 16.04.2019


ԲՅՈՒՐԱԿԱՆԻ ԱՍՏՂԱԴԻՏԱՐԱՆԸ ՀԱՄԱԳՈՐԾԱԿՑՈՒՄ Է ՄԱՆԿԱՎԱՐԺԱԿԱՆ ՀԱՄԱԼՍԱՐԱՆԻ ՀԵՏ

Օրերս ՀՀ ԳԱԱ Վիկտոր Համբարձումյանի անվան Բյուրականի աստղադիտարանի (ԲԱ) և Խ. Աբովյանի անվան հայկական պետական մանկավարժական համալսարանի (ՀՊՄՀ) միջև կնքվեց համագործակցության պայմանագիր 3 տարի ժամկետով: Պայմանագիրը ստորագրեցին ԲԱ տնօրեն Արեգ Միքայելյանը և ՀՊՄՀ ռեկտոր Ռուբեն Միրզախանյանը։

Պայմանագիրը սկիզբ կդնի բեղուն համագործակցության՝ հիմք ունենալով ՀՊՄՀ-ի և ԲԱ-ի համար փոխադարձ հետաքրքրություն ներկայացնող մի շարք հարցեր, ինչը կնպաստի ուսանողների շրջանում գիտության նկատմամբ հետաքրքրության աճին: Նախատեսվում է բակալավրիական, մագիստրոսական և ասպիրանտական կրթական ծրագրերի շրջանակներում մագիստրոսական թեզերի, ասպիրանտների և հայցորդների աշխատանքների համատեղ ղեկավարում, Բյուրականի աստղադիտարանում ուսանողների և մագիստրանտների ուսումնական պրակտիկա։

Պայմանագրի շրջանակներում նախատեսվում է նաև միջազգային կրթական ծրագրերի համատեղ իրականացում, ՀՊՄՀ ուսանողների համար հանրամատչելի դասախոսությունների կազմակերպում և Աստղագիտություն առարկայից բուհական և դպրոցական օլիմպիադաների կազմակերպում։

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory