NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 12.05.2019


ՀԱՅ-ԳԵՐՄԱՆԱԿԱՆ ՀԱՄԱԳՈՐԾԱԿՑՈՒԹՅՈՒՆ ՎԻՐՏՈՒԱԼ ԱՍՏՂԱԴԻՏԱՐԱՆՆԵՐԻ ԲՆԱԳԱՎԱՌՈՒՄ

Շուրջ երկու տարի է, ինչ ընթանում է հայ-գերմանական համագործակցությունը հայկական (ArVO) և գերմանական (GAVO) վիրտուալ աստղադիտարանների միջև։ Հայաստանից նախագծին մասնակցում են ՀՀ ԳԱԱ Վ․ Համբարձումյանի անվան Բյուրականի աստղադիտարանի և ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի, իսկ Գերմանիայից՝ Հայդելբերգի Հաշվողական աստղագիտության ինստիտուտի (ARI) գիտնականները։ Հիմնական աշխատանքն ուղղված է Մարգարյանի շրջահայության ցածր դիսպերսային սպեկտրերի արտաբերման և վերլուծության համար վիրտուալ աստղադիտարանների շրջանակներում ծրագրային ապահովում պատրաստելուն, ինչի շնորհիվ հնարավոր է դառնում մեծ թվով սպեկտրների ավտոմատացված չափումը, ուսումնասիրությունը և դասակարգումը հետագա արդյունավետ գիտական հետազոտությունների համար։

2017-2019 թթ․ ընթացքում տեղի են ունեցել բազմաթիվ փոխադարձ այցելություններ՝ համատեղ աշխատանքի, աշխատաժողովներին մասնակցելու, ամառային դպրոցներում դասախոսությունների և հրավիրված սեմինարների նպատակով։ 22 այցելությունների արդյունքում Հայաստանից Գերմանիա են գործուղվել ընդհանուր առմամբ 11 հոգի, այդ թվում նախագծի հայկական կողմի ղեկավար Արեգ Միքայելյանը, 5 գիտաշխատող և 5 ուսանող։ GAVO թիմից վիրտուալ աստղադիտարանների աշխատաժողովի անցկացման և Բյուրականյան միջազգային ամառային դպրոցում դասախոսությունների համար Հայաստան են այցելել Հենդրիկ Հայնլը և Մարկուս Դեմլայթները։ Վերջինս աստղաինֆորմատիկայի ոլորտում եվրոպական լավագույն մասնագետներից է։

Հիշեցնենք, որ Մարգարյանի շրջահայությունը եզակի դիտողական նյութ է ամբողջ աշխարհում և դրա թվայնացված տարբերակը 2011թ․-ին ներգրավվել է ՅՈՒՆԵՍԿՕ-ի «Աշխարհի հիշողություն» փաստագրական արժեքների ցանկում։

Մելինե Ասրյան




0213, Byurakan, Aragatzotn Province, Republic of Armenia ՀՀ, Արագածոտնի մարզ, Բյուրական, 0213
(+374-91) 195901
observ@bao.sci.am


National Academy of Sciences of RAՀՀ գիտությունների ազգային ակադեմիա
Science Committee of RAՀՀ գիտության կոմիտե
Viktor Ambartsumian International PrizeՎիկտոր Համբարձումյանի անվան միջազգային մրցանակ
International Astronomical UnionՄիջազգային աստղագիտական միություն
IAU Office of Astronomy for DevelopmentՄԱՄ աստղագիտությունը զարգացման համար գրասենյակ
   

© Byurakan Astrophysical Observatory© Բյուրականի աստղադիտարան