Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 04.07.2019


ԼՈՒՍՆԻ ՎՐԱ ՄԱՐԴՈՒ ՎԱՅՐԷՋՔԻ 50-ԱՄՅԱԿՆ Է

2019թ. hուլիսի 20-ին ավելի քան 70 երկիր պատրաստվում է նշել Լուսնի վրա մարդու վայրէջքի 50-ամյակը: Նախատեսվում են բազմաթիվ և բազմատեսակ միջոցառումներ` փառատոններ, ֆիլմի դիտումներ, ցուցահանդեսներ, դասախոսություններ և այլն:

ՀՀ ԳԱԱ Վ. Համբարձումյանի անվան Բյուրականի աստղադիտարանն անմասն չի մնում այս մեծ իրադարձությունից և նույնպես նախատեսում է ծրագիր՝ Հայաստանը Միջազգային աստղագիտական միության՝ Լուսնին նվիրված միջոցառումների արշավի մասը դարձնելով՝ https://bit.ly/2FQx5dy:

Ծրագրի մասին կարող եք իմանալ՝ հետևելով մեր ֆեյսբուքյան էջին:

Այժմ հակիրճ «Ապոլոն 11» ծրագրի մասին

50 տարի առաջ՝ 1969թ-ի հուլիսի 20-ին, մարդն առաջին անգամ ոտք դրեց Լուսնի վրա:

ՆԱՍԱ-ն իր «Ապոլոն 11» ծրագրով Լուսնի վրա իջեցրեց Նիլ Արմսթրոնգին և Էդվին Օլդրինին: Նիլ Արմսթրոնգն (ամերիկացի տիեզերագնաց, ռազմածովային օդաչու) առաջինն էր, որ ոտք դրեց Լուսնի մակերևույթի վրա: Երբ Արմսթրոնգը երկու ոտքով կանգնեց մակերևույթին, հենց այդ պահին հնչեցին երկրային մարդու առաջին բառերը.

«Սա մի փոքր քայլ էր մարդու համար, բայց մի մեծ ցատկ ողջ մարդկության համար»:

Ելնելով անվտանգության նկատառումներից՝ անհրաժեշտ էր ամուր և զգույշ կանգնել ոտքերի վրա, որովհետև Lուսնի շատ փոքր ձգողականության պատճառով քայլելը չափազանց դժվար էր, իսկ ընկնելու հավանականությունը՝ մեծ։

Լուսնի մակերևույթի վրա անցկացնելով մոտ 2 ժամ՝ աստղագնացները հավաքեցին 22կգ լուսնային նյութեր Երկիր բերելու համար: Նրանք Լուսնի վրա տեղադրեցին ԱՄՆ դրոշը, սեյսմաչափ և այնպիսի սարքեր, որոնց միջոցով հնարավոր կլիներ ավելի ճշգրիտ չափել Երկրից Լուսին հեռավորությունը:

Հուլիսի 24-ին անձնակազմը վերադարձավ Երկիր՝ վայրէջք կատարելով Խաղաղ օվկիանոսում՝ հաշվարկային կետից 24կմ հեռավորության վրա:

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory