NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 12.07.2019


ԲՅՈՒՐԱԿԱՆՅԱՆ 6-ՐԴ ԳԻՏԱՃԱՄԲԱՐՆ ԱՄՓՈՓԵՑ ԻՐ ԱՐԴՅՈՒՆՔՆԵՐԸ

Ս. թ. հուլիսի 12-ին ՀՀ ԳԱԱ Վ. Համբարձումյանի անվ. Բյուրականի աստղադիտարանում ամփոփվեցին Բյուրականյան 6-րդ գիտաճամբարի արդյունքները:

Գիտաճամբարին, որն անցկացվեց հուլիսի 7-12-ին Բյուրականի աստղադիտարանում, մասնակցում էին ՀՀ տարբեր մարզերի 10-14 տարեկան 31 շնորհալի երեխաներ, ովքեր անցել էին խիստ ընտրության փուլ:

Գիտաճամբարի ծրագիրը, ինչպես ամեն տարի, շատ հագեցած էր և մշակված էր այնպես, որ երեխաները համատեղեին հաճելի ժամանցը նոր գիտելիքների ու հմտությունների հետ: Այս 6 օրերի ընթացքում երեխաները հնարավորություն ունեցան մասնակցելու աստղագիտության թեմայով ինտերակտիվ դասերի, դիտումների, զբաղվելու մարզական խաղերով, անգլերենի ու մշակույթի պարապմունքներով, ինչպես նաև այլ շատ հետաքրքիր զբաղմունքներով: Աստղագիտության վերաբերյալ դասընթացները վարում էին հայ աստղագետներ Արեգ Միքայելյանը, Մարիետա Գյուլզադյանի, Գրիգոր Բրուտեանը և այլոք:

Բացի այդ, երեխաները հանդիպումներ ունեցան ժամանակակից հայ գրողներ Ռազմիկ Դավոյանի և Սամվել Դավթյանի հետ:

Ինչ վերաբերում է ազատ ժամանցին, ապա երեխաների համար կազմակերպվել էին այցելություններ Տեղերի վանք, Աղձք, Ամբերդ, Օշական և այլ վայրեր:

Նշենք, որ գիտաճամբարի կազմակերպիչներն էին Բյուրականի աստղադիտարանը, Միջազգային աստղագիտական միության (ՄԱՄ) Հարավարևմտյան և կենտրոնական Ասիայի Աստղագիտության զարգացման տարածաշրջանային գրասենյակը և Հայկական աստղագիտական ընկերությունը (ՀԱԸ), իսկ համակարգողն էր ՄԱՄ աստղագիտության հանրայնացման հայաստանյան համակարգող Սոնա Ֆարմանյանը:

Գիտաճամբարը մասնակիորեն ֆինանսավորվում էր «Ստեփան Գիշյան» բարեգործական հիմնադրամի կողմից:

   

Մելինե Ասրյան




0213, Byurakan, Aragatzotn Province, Republic of Armenia ՀՀ, Արագածոտնի մարզ, Բյուրական, 0213
(+374-91) 195901
observ@bao.sci.am


National Academy of Sciences of RAՀՀ գիտությունների ազգային ակադեմիա
Science Committee of RAՀՀ գիտության կոմիտե
Viktor Ambartsumian International PrizeՎիկտոր Համբարձումյանի անվան միջազգային մրցանակ
International Astronomical UnionՄիջազգային աստղագիտական միություն
IAU Office of Astronomy for DevelopmentՄԱՄ աստղագիտությունը զարգացման համար գրասենյակ
   

© Byurakan Astrophysical Observatory© Բյուրականի աստղադիտարան