Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 21.07.2019


ԼՈՒՍՆԻ ՎՐԱ ՎԱՅՐԷՋՔԸ ԲՅՈՒՐԱԿԱՆՈՒՄ (ԼՈՒՍՆԷՋՔ 50)

Ս.թ. հուլիսի 20-ին ՀՀ ԳԱԱ Վ. Համբարձումյանի անվ. Բյուրականի աստղադիտարանում նշվեց Լուսնի վրա մարդու վայրէջքի 50-ամյակը: Մարդկության պատմության այս կարևոր իրադարձությանը նվիրված միջոցառումը Հայաստանին Միջազգային աստղագիտական միության՝ Լուսնին նվիրված միջոցառումների արշավի մասնակիցը դարձրեց:

Բյուրականի աստղադիտարանի մեծաթիվ այցելուները մասնակցեցին թեմատիկ ֆոտոցուցահանդեսին: Ցուցահանդեսի բացումն իրականացրեց լուսանկարների հեղինակ Վարդան Պետրոսյանը, ով այցելուներին պատմեց նկարների մասին ու պատասխանեց նրանց հարցերին: Այնուհետև աստղադիտարանի այցելուներն ունկնդրեցին դասախոսություն ԲԱ տնօրեն Արեգ Միքայելյանի կողմից: Դասախոսությունը նախատեսվածից ավելի երկար տևեց, քանի որ մասնակիցները դրսևորեցին մեծ հետաքրքրություն՝ տալով տարաբնույթ հարցեր:

Ուշ երեկո սկսվեցին գիշերային երկնքի դիտումները, ինչը շարունակվեց մինչ ուշ գիշեր: Այցելուների մեծ քանակի պատճառով դիտումներն իրականացվեցին երկու աստղադիտակի միջոցով:

   

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory