Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 17.09.2019


ԱՍՏՂԱԳԻՏԱԿԱՆ ԿԱՐԵՎՈՐ ԳԻՏԱԺՈՂՈՎՆԵՐ ՀԱՅԱՍՏԱՆՈՒՄ

Սեպտեմբերի 16-20-ը Երևանում են ընթանում գիտական երկու միջազգային գիտաժողովներ՝ «Կոմպակտ սպիտակ թզուկ կրկնակիներ» և «Կոմպակտ աստղերի ժամանակակից ֆիզիկան և ռելատիվիստական գրավիտացիա»:

«Կոմպակտ աստղերի ժամանակակից ֆիզիկան և ռելատիվիստական գրավիտացիա» գիտաժողովը նվիրված է Երևանի պետական համալսարանի հիմնադրման 100-ամյակին: Այն անցկացվում է արդեն 5-րդ անգամ՝ նպատակ ունենալով միավորել մարդկանց, ովքեր զբաղվում են աստղաֆիզիկայի ոլորտում՝ կոմպակտ աստղերի, խիտ նյութերի ֆիզիկայի/պինդ մարմնի ֆիզիկայի, ձգողականության և տիեզերագիտության ուսումնասիրությամբ: Նախորդ 4 գիտաժողովներն անցկացվել են 2008, 2013, 2015 և 2017 թվականներին: Կազմակերպիչներն են պրոֆ․ Արմեն Սեդրակյանը (Գերմանիա) և պրոֆ․ Արամ Սահարյանը (ԵՊՀ, Հայաստան):

Ինչ վերաբերում է «Կոմպակտ սպիտակ թզուկ կրկնակիներ» (Compact White Dwarf Binaries) գիտաժողովին, այն կազմակերպվում է Երևանի պետական համալսարանի Ֆիզիկայի ֆակուլտետի աջակցությամբ: Գիտաժողովին մասնակցում են 60 գիտնականներ շուրջ 20 երկրներից, ովքեր ներկայացնում են այնպիսի համալսարաններ, ինչպիսիք են Կալիֆոռնիայի տեխնոլոգիական ինստիտուտը, Քեմբրիջի, Շեֆիլդի, Մոսկվայի պետական համալսարանները և այլն: Գիտաժողովի կազմակերպիչն է Մեքսիկայի ազգային համալսարանի պրոֆեսոր Գագիկ Թովմասյանը:

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory