NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 09.11.2019


ԲԱ-ԵՊՀ ՀԱՄԱԳՈՐԾԱԿՑՈՒԹՅԱՆ ՊԱՅՄԱՆԱԳԻՐ

Ս.թ. նոյեմբերի 7–ին ՀՀ ԳԱԱ Վ. Համբարձումյանի անվան Բյուրականի աստղադիտարանի և Երևանի պետական համալսարանի ֆիզիկայի ֆակուլտետի միջև կնքվեց համագործակցության պայմանագիր հինգ տարի ժամկետով։ Պայմանագիրը ստորագրեցին ԲԱ տնօրեն Արեգ Միքայելյանը և ԵՊՀ ֆիզիկայի ֆակուլտետի դեկան Ռաֆիկ Հակոբյանը։

Սույն պայմանագրով նպատակ է դրվում ապահովել աստղագիտության ոլորտում ուսումնական գործընթացի որակը, նպաստել ուսանողների մասնագիտական աճին, իրականացնել փորձի փոխանակում և գիտական համագործակցություն փոխադարձ հետաքրքրություն ներկայացնող բնագավառներում, ներկայացնել համատեղ դրամաշնորհային ծրագրեր, կազմակերպել համատեղ գիտաժողովներ, սեմինարներ, երիտասարդական դպրոցներ, ինչպես նաև իրականացնել մագիստրոսական և հետբուհական կրթական ծրագրերի, դասագրքերի և ուսումնամեթոդական ծրագրերի արդիականացում։

Նշենք, որ պայմանագրի կնքման արարողությանը նախորդել էր ԵՊՀ Ֆիզիկայի ֆակուլտետի ուսանողների ճանաչողական շրջայցը Բյուրականի աստղադիտարանում դեկան Ռաֆիկ Հակոբյանի, դասախոսներ Էմիլյա Կարապետյանի և Աշոտ Մելքոնյանի գլխավորությամբ, որի ընթացքում ուսանողները հնարավորություն են ունեցել այցելելու Վ. Համբարձումյանի տուն-թանգարան և տեսնելու տարածաշրջանի ամենամեծ՝ 2,6 մ հայելու տրամագծով աստղադիտակը, ինչպես նաև ունկնդրելու դասախոսություն ԲԱ տնօրեն Արեգ Միքայելյանի կողմից։

Մելինե Ասրյան




0213, Byurakan, Aragatzotn Province, Republic of Armenia ՀՀ, Արագածոտնի մարզ, Բյուրական, 0213
(+374-91) 195901
observ@bao.sci.am


National Academy of Sciences of RAՀՀ գիտությունների ազգային ակադեմիա
Science Committee of RAՀՀ գիտության կոմիտե
Viktor Ambartsumian International PrizeՎիկտոր Համբարձումյանի անվան միջազգային մրցանակ
International Astronomical UnionՄիջազգային աստղագիտական միություն
IAU Office of Astronomy for DevelopmentՄԱՄ աստղագիտությունը զարգացման համար գրասենյակ
   

© Byurakan Astrophysical Observatory© Բյուրականի աստղադիտարան