NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 19.12.2019


ԳԻՏԱԿԱՆ (ԱՍՏՂԱԳԻՏԱԿԱՆ) ԼՐԱԳՐՈՒԹՅԱՆ ՄՐՑՈՒՅԹԻ ՀԱՂԹՈՂՆԵՐԸ

    

Ս․թ․ դեկտեմբերի 19-ին Բյուրականի աստղադիտարանում հանձնվեցին գիտական (աստղագիտական) լրագրության 2019թ․ մրցանակները։ Մրցանակները տրվեցին 3 անվանակարգում։ Լավագույն հեղինակային տպագիր կամ առցանց հոդված կամ հոդվածաշար անվանակարգում հաղթող ճանաչվեց Գրիգոր Էմին-Տերյանը («Պոիսկ» Մոսկվա), լավագույն հեղինակային ձայնա/տեսանյութ անվանակարգում՝ Ելենա Չոբանյանը (Araratonline ամսագիր, SoCal Armenian ռադիո), իսկ ամբողջ տարվա կտրվածքով առավել ակտիվ լրագրողի մրցանակին արժանացան Անի Կարապետյանը (168.am) և Մարի Թարյանը (Մեդիամաքս մեդիա ընկերություն)։ Յուրաքանչյուր անվանակարգի համար սահմանված է եղել նաև դրամական մրցանակ` 70,000 ՀՀ դրամ։

Մրցույթին մասնակցում էին ինչպես հայկական, այնպես էլ արտերկրյա լրատվամիջոցների ներկայացուցիչներ։ Նշենք, որ դիտարկվել են միայն հեղինակային աշխատանքները։

ՀՀ ԳԱԱ Վ. Համբարձումյանի անվան Բյուրականի աստղադիտարանը, լինելով Հայաստանում գիտական լրագրության նախաձեռնողը, պարբերաբար անց է կացնում գիտական լրագրության ոլորտի վերաբերյալ մրցույթներ՝ նպատակ ունենալով նպաստելու Հայաստանում գիտական լրագրության զարգացմանը և խրախուսելու այդ ոլորտում գործունեություն ծավալող լրագրողներին։

Գիտական լրագրության մրցույթը նվիրված էր Միջազգային աստղագիտական միության 100-ամյակին։

Մելինե Ասրյան




0213, Byurakan, Aragatzotn Province, Republic of Armenia ՀՀ, Արագածոտնի մարզ, Բյուրական, 0213
(+374-91) 195901
observ@bao.sci.am


National Academy of Sciences of RAՀՀ գիտությունների ազգային ակադեմիա
Science Committee of RAՀՀ գիտության կոմիտե
Viktor Ambartsumian International PrizeՎիկտոր Համբարձումյանի անվան միջազգային մրցանակ
International Astronomical UnionՄիջազգային աստղագիտական միություն
IAU Office of Astronomy for DevelopmentՄԱՄ աստղագիտությունը զարգացման համար գրասենյակ
   

© Byurakan Astrophysical Observatory© Բյուրականի աստղադիտարան