Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 26.03.2020


ԲՅՈՒՐԱԿԱՆԻ ԱՍՏՂԱԴԻՏԱՐԱՆԸ ՓԱՐԻԶ-ՍԱԿԼԵՅ ՀԱՄԱԼՍԱՐԱՆԻ ԱՄՍԱԳՐԻ ԷՋԵՐՈՒՄ

ՀՀ ԳԱԱ Վ․ Համբարձումյանի անվան Բյուրականի աստղադիտարանը հայտնվել է Փարիզ-Սակլեյ համալսարանի ամսագրի էջերում։

Հոդվածը նվիրված է ԲԱ և Փարիզ-Սակլեյ համալսարանի միջև համագործակցությանը, ԲԱ «Աստղագիտական շրջահայություններ» գիտահետազոտական բաժնի և ԲԱ տնօրեն, վերոնշյալ բաժնի ղեկավար Արեգ Միքայելյանի գործունեությանը։

Վերջին մի քանի տարիների ընթացքում Արեգ Միքայելյանը զբաղվել է քվազարների և Սեյֆերտի տիպի գալակտիկաների ուսումնասիրությամբ։ Աստղագիտական շրջահայությունների շնորհիվ նրան և նրա թիմին հաջողվել է տիեզերքում հայտնաբերել հազարավոր նոր մարմիններ՝ սպիտակ թզուկներ, կապույտ աստղային օբյեկտներ, ակտիվ գալակտիկաներ, ենթակարմիր, ռադիո և ռենտգենյան աղբյուրներ և այլն։

Արեգ Միքայելյանի խումբը երկար տարիներ է, ինչ համագործակցում է Ալեն Սարկիսյանի լաբորատորիայի՝ LATMOS-ի հետ։ Այս համագործակցությունն իրենից ենթադրում է համատեղ հոդվածների հրապարակում, մասնակցություն եվրոպական ծրագրերին և ավելին։ Հարկ է նշել, որ այս կապը սկիզբ է առել դեռևս 2005թ-ին, երբ թե՛ Ֆրանսիան, թե՛ Հայաստանը զբաղվում էին սեփական վիրտուալ աստղադիտարանների ծրագրերի մշակմամբ։

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory