NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 21.05.2020


ՀԱՅՏՆԻ Է ԱՍՏՂԱԳԻՏՈՒԹՅԱՆ ԲՆԱԳԱՎԱՌՈՒՄ ՇՈՈՒ ՄՐՑԱՆԱԿԻ ՀԱՂԹՈՂԻ ԱՆՈՒՆԸ

Ս․թ․ մայիսի 21-ին հայտնի դարձավ աստղագիտության բնագավառում Շոու (Shaw) ամենամյա մրցանակի հաղթողի անունը՝ Ռոջեր Բլենդֆորդ։ Ստենֆորդի համալսարանի պրոֆեսոր Ռոջեր Բլենդֆորդն այս մրցանակին է արժանացել աստղաֆիզիկայում ունեցած իր մեծ ներդրումների համար։ Լինելով իր սերնդի ամենաակնառու տեսաբաններից մեկը՝ նա իր ներդրումն ունի աստղաֆիզիկայի շատ խնդիրների լուծման՝ այդ թվում ակտիվ գալակտիկական միջուկների բնույթի և սև խոռոչներից էներգիայի արձակման մեխանիզմների հասկանալու գործում։

Նշենք, որ Ռ․ Բլենդֆորդը հեղիակ և համահեղինակ է հանդիսանում մի շարք այնպիսի դասական հոդվածների, որտեղ վերհանված են ակտիվ գալակտիկական միջուկների հիմնական գործընթացները, որոնք հսկա սև խոռոչների կողմից նյութի կուտակման արդյունք են։ Մեծ հետաքրքրություն է վայելում նաև տեսաբանի՝ կրկնակի սև խոռոչների ճակատագրին վերաբերող աշխատանքը, խոռոչներ, որոնք առաջանում են գալակտիկաների միաձուլման հետևանքով։

Առավել մանրամասն՝ https://www.iau.org/news/pressreleases/detail/iau2004/։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան