NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 21.06.2020


ԳԱԳԻԿ ՏԵՐ-ՂԱԶԱՐՅԱՆ՝ 70

Այսօր՝ հունիսի 21-ին, լրանում է ՀՀ ԳԱԱ Վ. Համբարձումյանի անվ. Բյուրականի աստղադիտարանի առաջատար գիտաշխատող, Խորեզմի միջազգային մրցանակի դափնեկիր ֆիզմաթ. գիտ. դոկտոր Գագիկ Տեր-Ղազարյանի 70-ամյակը։

Գ․ Տեր-Ղազարյանը ծնվել է 1950թ-ի հունիսի 21-ին Երևանում։ 1972-ին ավարտել է ԵՊՀ ֆիզիկայի ֆակուլտետը։ Աշխատել է ԵՊՀ-ում, այնուհետև՝ 1983-ից, Բյուրականի աստղադիտարանում (ԲԱ)։ 1988-ին պաշտպանել է ֆիզմաթ․ գիտությունների թեկնածուական թեզ, հետագայում նաև դոկտորական թեզ։ Ներկայումս առաջատար գիտաշխատող է և «Բարձր էներգիաների աստղաֆիզիկա» գիտահետազոտական բաժնի վարիչ։ 2007թ.-ից Ռուսաստանի բնական գիտությունների ակադեմիայի անդամ է և պատվավոր պրոֆեսոր։ Նա միջազգային ճանաչում ունեցող փորձագետ է, մասնավորապես՝ ամերիկյան և եվրոպական մի շարք առաջնակարգ գիտական ամսագրերի փորձագետ։ Նա Միջազգային աստղագիտական միության անդամ է, ինչպես նաև ԲԱ գիտական խորհրդի և ԲԱ կից մասնագիտական խորհրդի անդամ։

Գ․ Տեր-Ղազարյանի գիտական հետազոտությունների հիմնական ուղղություններն են բարձր էներգիայի աստղաֆիզիկան, տիեզերական կոմպակտ մարմինների ֆիզիկան, գրավիտացիան, տարրական մասնիկները և տիեզերաբանությունը։ Նա ավելի քան 70 գիտական մեծածավալ հոդվածների, այդ թվում՝ մի շարք մենագրությունների հեղինակ է: Նա հաճախ դասախոսություններով հանդես է եկել ԱՄՆ-ի, Ճապոնիայի, Ֆրանսիայի, Իտալիայի, Ռուսաստանի, Իրանի, Օմանի համալսարաններում:

Սիրով շնորհավորում ենք Գ․ Տեր-Ղազարյանին ծննդյան տոնի առթիվ և մաղթում նորանոր գիտական ձեռքբերումներ:

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան