NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 26.07.2020


ԶՈՐԱՑ ՔԱՐԵՐԻՑ ՄԻՆՉԵՎ ԲՅՈՒՐԱԿԱՆԻ ԱՍՏՂԱԴԻՏԱՐԱՆ․
ԱՌՑԱՆՑ ՀԱՆՐԱՅԻՆ ԴԱՍԱԽՈՍՈՒԹՅՈՒՆ

Ս․թ․ հուլիսի 25-ին Հայկական վիրտուալ համալսարանի (ՀՎՀ) առցանց կրթահարթակում տեղի ունեցավ Բյուրականի աստղադիտարանի տնօրեն Արեգ Միքայելյանի դասախոսությունները՝ «Զորաց Քարերից մինչև Բյուրականի աստղադիտարան» խորագրով, հայերեն և անգլերեն: Ներկայացվեցին հայ աստղագիտության արժեքները՝ երկնքի առաջին բաժանումը համաստեղությունների, աստղագիտական բնույթի ժայռապատկերները, հնագույն աստղադիտարանները, օրացույցները, Անանիա Շիրակացու աստղագիտական ժառանգությունը, միջնադարյան աստղագիտական քարտեզները և գործիքները, Վիկտոր Համբարձումյանի գիտական ժառանգությունը, Բյուրականի աստղադիտարանի գործունեությունը, տարածաշրջանային աստղագիտական կենտրոնը, Հայկական աստղագիտական ընկերությունը, Հայկական վիրտուալ աստղադիտարանը։

Նշենք, որ ՀՎՀ-ի առաքելությունն է կրթությամբ հետաքրքրված բոլոր անձանց հնարավորություն տալ ստանալ հայկական համապարփակ կրթություն` անկախ տարիքից, բնակության վայրից կամ գիտելիքների մակարդակից (https://t6q3s6q7.map2.ssl.hwcdn.net/ehy/about/aboutAVC.html): Օնլայն կրթության վերջին զարգացումներին զուգընթաց` ՀՎՀ-ի առաքելությունն է նաև ստեղծել կրթական վիրտուալ համայնք՝ խթանելու ինչպես մշակութային կրթությունը, այնպես էլ սոցիալական հաղորդակցությունը այն ուսանողների շրջանակներում, ովքեր ցանկանում են շարունակել իրենց կրթությունը հայագիտության բնագավառում:

Մելինե Ասրյան