NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 21.08.2020


ՏԻԳՐԱՆ ԱՐՇԱԿՅԱՆԻ 60-ԱՄՅԱԿԸ

Այսօր լրանում է ՀՀ ԳԱԱ Վ. Համբարձումյանի անվ. Բյուրականի աստղադիտարանի «Աստղագիտական շրջահայություններ» գիտահետազոտական բաժնի գիտական խորհրդատու Տիգրան Արշակյանի 60-ամյակը։

Տ․ Արշակյանը ծնվել է 1960թ-ի օգոստոսի 21-ին Երևանում։ 1983թ-ին ավարտել է Երևանի պետական համալսարանը, որից հետո՝ 1984-1997թթ, աշխատել է Բյուրականի աստղադիտարանում։ 1988-1991թթ․ սովորել է ասպիրանտուրայում՝ պաշտպանելով ատենախոսությունը 1992թ-ին Ռ․ Անդրեասյանի ղեկավարությամբ։ 1966թ-ին արժանանալով Royal Society դրամաշնորհին՝ տեղափոխվել է Քեմբրիջ՝ Քավենդիշի լաբորատորիա, իսկ 2001թ-ին ստանալով Ալեքսանդր ֆոն Հումբոլտի մրցանակը՝ աշխատել է Մաքս Պլանկի ռադիոասղագիտական ինստիտուտում։

Նրա գիտական հետազոտությունների հիմնական ուղղություններն են տեսական աստղաֆիզիկան, Պուլսարները, ռադիոգալակտիկաները, մագնիսական դաշտերը, SKA: Նա հրապարակել է ավելի քան 60 գիտական հոդված տարբեր աստղագիտական ամսագրերում՝ «Աստղաֆիզիկայի ամսագիր» (ApJ), «Աստղագիտություն և աստղաֆիզիկա» (A&A), «Բալթյան աստղագիտություն» և այլն։

Տ․ Արշակյանի ձեռքբերումների շարքում կարելի է առանձնացնել դասական կրկնակի ռադիոաղբյուրների նոր ասիմետրիկ հարաբերական մոդելի կազմումը, ռադիոպուլսարների ճառագայթների տիեզերական արագության և իրական բաց անկյունների բաշխման գործառույթների վերակառուցումը և այլն։

Տ․ Արշակյանն աշխատում է Քյոլնում՝ միևնույն ժամանակ ակտիվորեն համագործակցելով մի շարք աստղագիտական հաստատությունների հետ։ Նա հանդիսանում է Միջազգային աստղագիտական միության (ՄԱՄ) 1994թ-ից, Հայկական աստղագիտական ընկերության (ՀԱԸ) 2002թ-ից, Եվրոպական աստղագիտական ընկերության (ԵԱԸ) և Եվրասիական աստղագիտական ընկերության անդամ 1996թ-ից։

Սիրով շնորհավորում ենք Տ․ Արշակյանին ծննդյան տոնի կապակցությամբ և մաղթում նորանոր գիտական ձեռքբերումներ:

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան