NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 28.11.2020


ՀԵՆՐԻԿ ՍԱՐԳՍՅԱՆԻ 80-ԱՄՅԱԿԸ

Այսօր լրանում է ՀՀ ԳԱԱ Վ. Համբարձումյանի անվ. Բյուրականի աստղադիտարանի (ԲԱ) առաջատար ինժեներ Հենրիկ Սարգսյանի 80-ամյակը։

Հ․ Սարգսյանը ծնվել է 1940թ-ի նոյեմբերի 28-ին Արագածոտնի մարզի Բյուրական գյուղում։ Հ․ Սարգսյանը աստղադիտարանի ամենատարեց աշխատողներից մեկն է։ Տասնամյակներ շարունակ նա զբաղվում է աստղադիտակների վերանորոգման և դրանց արդիականացման աշխատանքներով։

Հ․ Սարգսյանը ԲԱ-ում իր աշխատանքային գործունեությունը սկսել է 1958թ-ին։ Սկզբում նա ընդունվել էր որպես ավագ տեխնիկ, ապա որպես մեխանիկ (1961թ)։ 1967թ-ին դարձել է ինժեներ, 1972թ-ին՝ ավագ վարպետ, 1975թ-ին` ինժեներ-մեխանիկ։ 1989թ-ին նա դարձել է 2,6մ հայելու տրամագծով աստղադիտակով դիտումների օպերատիվ սպասարկման պատասխանատու, 2005թ-ին՝ 1մ հայելու տրամագծով աստղադիտակի սպասարկման պատասխանատու։ 2012թ-ին Հ․ Սարգսյանը նշանակվել է ավագ ինժեների պաշտոնում, 2017թ-ին 1մ հայելու տրամագծով աստղադիտակի պատասխանատու, 2018թ-ին տեղափոխվել է ինժեներատեխնիկական բաժին, իսկ 2019թ-ին նշանակվել է առաջատար ինժեների պաշտոնում և դարձել 1մ հայելու տրամագծով աստղադիտակի ու ԲԱ պատկանող նախկին Լենինգրադի կայանում գտնվող բոլոր տեսակի աստղադիտակների նյութական պատասխանատու։ Հենրիկ Սարգսյանի կենսագրության հետաքրքրաշարժ էջերից կարելի է նշել, այն, որ նա ներկա է եղել ԽՍՀՄ ղեկավար Նիկիտա Խրուշչովի կողմից 1մ Շմիդտի աստղադիտակի բացմանը 1961թ․։

Սիրով շնորհավորում ենք Հ․ Սարգսյանին ծննդյան տոնի կապակցությամբ և մաղթում քաջ առողջություն։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան