NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 01.12.2020


ԱՐԵԳԱԿԻ ՎՐԱ ՏԵՂԻ Է ՈՒՆԵՑԵԼ ՎԵՐՋԻՆ ԵՐԵՔ ՏԱՐՎԱ ԱՄԵՆԱՈՒԺԵՂ ԲՌՆԿՈՒՄԸ

ТАСС-ի էջից տեղեկանում ենք, որ SDO ուղեծրային աստղադիտարանը գրանցել է Արեգակի վրա վերջին երեք տարվա մեջ եղած ամենաուժեղ բռնկումը։ Այս մասին հայտնում են Ռուսաստանի գիտությունների ակադեմիայի Ֆիզիկայի ինստիտուտի Արեգակի ռենտգենյան աստղագիտության լաբորատորիայի կայքէջում։

Բռնկումն անսպասելի է եղել գիտնականների համար, քանի որ նման երևույթներից առաջ սովորաբար լինում են արևային ակտիվության առավել թույլ դրսևորումներ։

Նրանց կարծիքով շատ հավանական է, որ բռնկման իրական ուժգնությունն ավելի մեծ է եղել, քանի որ պայթյունի կենտրոնը գտնվում է Արեգակի՝ Երկրի համար անտեսանելի կողմի վրա, սակայն Արեգակի պայթյունի ընդգրկած գոտին այնքան վեր խոյացած է եղել, որ մակերևույթից վեր բարձրացած մասը տեսանելի է դարձել արեգակի ծայրի հակառակ կողմից։ Չի բացառվում, որ այս բռնկումը պատկանում է ամենաբարձր X դասին։

Արեգակի վրա պարբերաբար լինում են բռնկումներ, որոնց ընթացքում լուսատուն կտրուկ հսկայական քանակությամբ էներգիա է առանձնացնում լուսային, ջերմային և ռենտգենյան տեսանելի ճառագայթային ալիքների տեսքով։ Նմանատիպ երևույթները կարող են խափանել ուղեծրային արբանյակների ախատանքը և Երկրի ռադիոկապի համակարգերը, ինչպես նաև վտանգ ներկայացնել տիեզերագնացների առողջության համար։

Որպես կանոն Արեգակի վրայի նման ակտիվությունը փոփոխվում է 11 տարի պարբերականությամբ։ Մի քանի տարի առաջ գիտնականները սկսեցին վախենալ, երբ այս օրինաչափությունը սկսեց խախտվել արեգակնային ակտիվության նախավերջին և ներկայիս շրջափուլերի ընթացքում: Բանն այն է, որ այս երկու շրջափուլերի ընթացքում Արեգակի վրա շատ քիչ էին բռնկումներն ու արևաբծերը: Շատ տեսաբաններ ենթադրում են, որ դա պայմանավորված է լուսատուի ընդերքի հիմնարար փոփոխություններով:

Նշվում է նաև, որ այս բռնկումը ոչ մի վտանգ չի ներկայացնում Երկրի համար։

Նյութի սկզբնաղբյուրը ստորև՝
https://nauka.tass.ru/nauka/10129693?fbclid=IwAR0g5gRVJc2dwTWnN6Y-9OL8bM0a97mmBvviI_aKa2UbXYUywRESemakUTU ։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան