NAS  RA  BYURAKAN  ASTROPHYSICAL  OBSERVATORY  AFTER  V. A.  AMBARTSUMIAN  (NATIONAL  VALUE)

ՀՀ  ԳԱԱ  Վ․ Հ․  ՀԱՄԲԱՐՁՈՒՄՅԱՆԻ  ԱՆՎԱՆ  ԲՅՈՒՐԱԿԱՆԻ  ԱՍՏՂԱԴԻՏԱՐԱՆ  (ԱԶԳԱՅԻՆ  ԱՐԺԵՔ)

ՀԱՅ  ENG

Մամուլի հաղորդագրություն


ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 17.12.2020


ԱՎԱՐՏՎԵՑ ԴՊՐՈՑԱԿԱՆ ԱՍՏՂԱԳԻՏԱԿԱՆ ԴԱՍԱԽՈՍՈՒԹՅՈՒՆՆԵՐԻ 2020թ. ԾՐԱԳԻՐԸ

Երեկ` դեկտեմբերի 16-ին, ամփոփեցինք Հայկական աստղագիտական ընկերության և Բյուրականի աստղադիտարանի կողմից համատեղ իրկանացվող դպրոցական աստղագիտական դասախոսությունների 2020թ-ի ծրագիրը։

Այս տարի ծրագրի շրջանակներում անցկացվեց ընդամենը 23 դասախոսություն 6 մարզերում՝ Արագածոտն, Արարատ, Արմավիր, Շիրակ, Տավուշ, Վայոց Ձոր։ Դասախոսներն էին ԲԱ տնօրեն Արեգ Միքայելյանը, ԲԱ ավագ գիտաշխատողներ Հովհաննես Պիկիչյանը և Գրիգոր Բրուտյանը։

Հայկական աստղագիտական ընկերությունը և Բյուրականի աստղադիտարանը 2012թ-ից ի վեր համատեղ կազմակերպում են ամենամյա դասախոսություններ ՀՀ մարզերի և Արցախի դպրոցներում։ Ծրագրի նպատակն է կազմակերպել պրոֆեսիոնալ աստղագետների հետ հնարավորինս մեծ թվով դպրոցականների հանդիպումներ, ներկայացնել ժամանակակից աստղագիտության ուղղությունները, պատմել Վիկտոր Համբարձումյանի և Բյուրականի աստղադիտարանի նվաճումների մասին։ Դասախոսությունների ընթացքում ներկայացվում են նաև գիտության կարևորությունը, աստղագիտության կապն այլ գիտությունների և մշակույթի հետ, Հայաստանում առկա աստղագիտական կրթական ծրագրերը՝ օլիմպիադաներ, Բյուրականյան գիտաճամբարներ և այլն։ Վերջապես, կարևոր առաքելություններից մեկն է բացահայտել շնորհալի երեխաների՝ նրանց հետ հետագա կապի պահպանման և մասնագիտական աճին հետևելու համար։ Մինչ օրս այցելություններ են իրականացվել արդեն 200-ից ավելի դպրոցներ ՀՀ բոլոր մարզերում և Արցախում։ Ծրագրի շրջանակներում աստղադիտարանը դպրոցականներին է տրամադրում հանրամատչելի նյութեր, գրքեր, բրոշյուրներ։

Ծրագիրը հովանավորում է Հայ օգնության ֆոնդը (ՀՕՖ)։

Մելինե Ասրյան




Հասցե՝ ՀՀ, Արագածոտնի մարզ, Բյուրական, 0213
Հեռ․՝ (+374-91) 195901
Էլ․ հասցե՝ observ@bao.sci.am

Բոլոր իրավունքները պաշտպանված են © 2017-2020, Բյուրականի աստղադիտարան