Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 26.01.2023
ՏԵՂԻ ՈՒՆԵՑԱՎ ՄԱՄ ԱՍՏՂԱԳԻՏՈՒԹՅԱՆ ԶԱՐԳԱՑՄԱՆ ԿԵՆՏՐՈՆԻ ԵՌԱՄՍՅԱ ԽՈՐՀՐԴԱԿՑՈՒԹՅՈՒՆԸ
Ս․թ․ հունվարի 24-ին տեղի է ունեցել Միջազգային աստղագիտական միության (ՄԱՄ, IAU) աստղագիտության զարգացման կենտրոնի և տարածաշրջանային կենտրոնների առցանց հանդիպումը։ Թեման էր ՄԱՄ-ի հանձնաժողովի հետ քննարկման նախապատրաստումը և 2023թ․ առաջիկա միջոցառումների մասնակցությունը։
Հայաստանից հանդիպմանը մասնակցեցին Արեգ Միքայելյանը և Գայանե Բալեյանը։ Քննարկվեցին տարածաշրջանային կենտրոնների գործունեության արդյունավետությունը, ֆինանսավորման աղբյուրների հնարավորությունները, համագործակցությունը և այլն։ Առաջիկա կարևոր միջոցառումներից կազմակերպվելու են ՄԱՄ 3 խոշոր տարածաշրջանների համագումարներ՝ MEARIM (ՄԱՄ Մերձավոր Արևելքի և Աֆրիկայի տարածաշրջանային համագումար), LARIM (ՄԱՄ Լատինական Ամերիկայի տարածաշրջանային համագումար) և APRIM (Ասիայի և Խաղաղօվկիանոսյան տարածաշրջանային համագումար)։
Հիշեցնենք, որ Հայաստանում է գտնվում ՄԱՄ տարածաշրջանային կենտրոններից մեկը՝ Հարավարևմտյան և Կենտրոնական Ասիայի տարածաշրջանային կենտրոնը։
Մելինե Ասրյան
