Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 27.01.2023
ՀԱՅԱՍՏԱՆԻ ՄԱՍՆԱԿՑՈՒԹՅՈՒՆԸ ԵԱԱԸ 2023Թ․ ՎԱՐՉՈՒԹՅԱՆ ՆԻՍՏԻՆ
Ս․թ․ հունվարի 26-ին տեղի ունեցավ Եվրասիական աստղագիտական ընկերության (ԵԱԱԸ, EAAS) վարչության առցանց նիստը։ Նիստին մասնակցեց նաև ԵԱԱԸ փոխնախագահ և Հայկական աստղագիտական ընկերության (ՀԱԸ) գործող նախագահ Արեգ Միքայելյանը։
ԵԱԱԸ վարչության նիստին դրված էին հետևյալ հարցերը․ վարչության աշխատանքի հաշվետվություն, «Աստրոկուրիեր» տեղեկատուի աշխատանքը, ԵԱԱԸ անդամավճարների հարցը, «Astronomical and Astrophysical Transactions» ամսագրի աշխատանքները, աստղագիտական օլիմպիադաները, նոր անդամների ընդունումը և ԵԱԱԸ համագումարի որոշումների կատարման ընթացքը։
Նշենք, որ ԵԱԱԸ-ն հանդիսանում է նախկին Խորհրդային Միության աստղագիտական ընկերության իրավահաջորդը և միավորում է Եվրոպայի և Ասիայի մի շարք երկրների, ինչպես նաև բազմաթիվ այլ երկրների աստղագետների։ ՀԱԸ-ն ակտիվորեն համագործակցում է ԵԱԱԸ-ի հետ և հանդիսանում է նրա պաշտոնական ներկայացուցիչը Հայաստանում։
Մելինե Ասրյան
