Մամուլի հաղորդագրություն

ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 31.01.2023

ՄԱՄ ՏԱՐԱԾԱՇՐՋԱՆԱՅԻՆ ԿԵՆՏՐՈՆՆԵՐԻ ՂԵԿԱՎԱՐՆԵՐԻ ՀԱՆԴԻՊՈՒՄԸ ԱՍՏՂԱԳԻՏՈՒԹՅԱՆ ԶԱՐԳԱՑՄԱՆ ԿԵՆՏՐՈՆԻ ՎԵՐԱՀՍԿՈՂ ԿՈՄԻՏԵԻ ՀԵՏ

Ս․թ․ հունվարի 30-ին, տեղի ունեցավ ՄԱՄ-ի տարածաշրջանային կենտրոնների (ROAD) ղեկավարների հանդիպումը ՄԱՄ Աստղագիտության զարգացման կենտրոնի (OAD) վերահսկող կոմիտեի հետ, որը որոշում է գործունեության քաղաքականությունը, ֆինանսավորումը և այլն։

Յուրաքանչյուր տարածաշրջանային կենտրոն ներկայացրեց իր գործունեությունը, ընթացիկ վիճակը և խնդիրները, բյուջեն ու առաջարկությունները։ Հանդիպմանը նաև քննարկվեցին կենտրոնների զարգացման առավել արդյունավետ ուղիները։ Հայաստանից մասնակցում էին ԲԱ տնօրեն Արեգ Միքայելյանը և Գայանե Բալեյանը։

ՄԱՄ-ը համակարգում է աստղագիտության զարգացումը 11 տարածաշրջանային և լեզվի կենտրոնների միջոցով, որոնք գտնվում են Հայաստանում (Հարավարևմտյան և Կենտրոնական Ասիա), Կոլումբիայում և Չիլիում (Անդյան տարածաշրջան), Հորդանանում (Արաբական աշխարհ և արաբերեն), Եթովպիայում (Արևելյան Աֆրիկա), Չինաստանում (Արևելյան Ասիա և չինարեն), Նիդերլանդներում (Եվրոպա), ԱՄՆ-ում (Հս. Ամերիկա), Պորտուգալիայում (պորտուգալերեն), Թաիլանդում (Հարավարևելյան Ասիա), Զամբիայում (Հարավային Աֆրիկա) և Նիգերիայում (Արևմտյան Աֆրիկա): Նշենք, որ վերոնշյալներից Եվրոպան և Ամերիկան վերջին տարիներին են միացել կենտրոնին։

Հայաստանը՝ ի դեմս Բյուրականի աստղադիտարանի (ԲԱ), հանդիսանում է ՄԱՄ Հարավարևմտյան և Կենտրոնական Ասիայի աստղագիտության զարգացման տարածաշրջանային կենտրոն։

Մելինե Ասրյան