Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 14.02.2023
ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՄԱՍՆԱԿՑՈՒԹՅՈՒՆԸ ՄԱՄ ՄԵՐՁԱՎՈՐ ԱՐԵՎԵԼՔԻ ԵՎ ԱՖՐԻԿԱՅԻ ՏԱՐԱԾԱՇՐՋԱՆԱՅԻՆ 6-ՐԴ ԳԻՏԱԺՈՂՈՎԻՆ
Բյուրականի աստղադիտարանի տնօրեն Արեգ Միքայելյանը և հանրային կապերի բաժնի ղեկավար Գայանե Բալեյանը այս օրերին՝ փետրվարի 13-16-ը, մասնակցում են Միջազգային աստղագիտական միության Մերձավոր Արևելքի և Աֆրիկայի տարածաշրջանային 6-րդ համաժողովին (MEARIM VI)։ Այն այս տարի անցկացվում է Կահիրեում (Եգիպտոս)՝ համախմբելով աստղագետների, աստղաֆիզիկոսների և տիեզերական գիտություններով զբաղվող մասնագետների։
Գիտաժողովի նպատակն է ուսումնասիրել աստղագիտության և տիեզերական գիտությունների միջճուղային խաչմերուկները և ստեղծել աստղագետների և կազմակերպությունների խումբ, որը կպահպանի աստղագիտության շարժիչ ուժն այս տարածաշրջանում։ Համաժողովին, որի շրջանակներում քննարկվելու են բազմաթիվ թեմաներ, Արեգ Միքայելյանը հանդես կգա «Աստղագիտությունը և մեծ տվյալները» և «Աստղագիտությունը՝ որպես միջճյուղային և բազմաճյուղային գիտությունների առաջատար» զեկուցումներով։
Մելինե Ասրյան
