Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 19.02.2023
ՀԵՐԹԱԿԱՆ ՄԻՋԱԶԳԱՅԻՆ ՍԵՄԻՆԱՐԸ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ
Օրեր առաջ Բյուրականի աստղադիտարանում անցկացվեց հերթական միջազգային սեմինարը։ Զեկուցողն էր Էդուարդ Վորոբյովը Վիեննայի համալսարանից (Ավստրիա): Վերջինս հանդես եկավ «FU Orionis տիպի աստղերի լուսատվության բռնկումների տեսական ուսումնասիրությունների վերջին զարգացումները» թեմայով։
Երիտասարդ FU Orionis տիպի աստղերում լուսատվության բռնկումները ջերմացնում են շրջապատող գազի ու փոշու սկավառակները՝ այդպիսով ազդելով դրանց քիմիական և փոշային բաղադրության վրա։ Իր զեկուցման ընթացքում Է․ Վորոբյովը, օգտագործելով թվային հիդրոդինամիկական մոդելավորում, համեմատեց բռնկումների հանգեցնող մի շարք մեխանիզմներ և ցույց տվեց, թե ինչպես կարելի է սկավառակային կինեմատիկ և ձևաբանական հատկանիշներով տարբերակել դրանք։ Նա նաև անդրադարձավ ազդեցություններին, որ կարող է ունենան բռնկումները փոշեհատիկների չափսերի տարածական բաշխվածության վրա։
Մելինե Ասրյան
