Մամուլի հաղորդագրություն

ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 14.03.2023

ՀԱՅՏՆԻ Է «ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՀԱՂՈՐԴՈՒՄՆԵՐ» ԱՄՍԱԳՐԻ 2022Թ-Ի ԼԱՎԱԳՈՒՅՆ ՀՈԴՎԱԾԻ ՀԵՂԻՆԱԿԸ

Ս․թ․ մարտի 13-ին Բյուրականի աստղադիտարանում (ԲԱ) ամփոփվեցին «ComBAO-2022 լավագույն հոդված» մրցույթի արդյունքները։ ԲԱ գիտական խորհրդի որոշման համաձայն՝ լավագույն հոդվածի հեղինակ ճանաչվեց ԲԱ «Բարձր էներգիաների աստղաֆիզիկա» բաժնի վարիչ, գլխավոր գիտաշխատող, ֆ.մ.գ.դ. Գագիկ Տեր-Ղազարյանը։ Մրցանակը ներառում է նաև դրամական պարգև։

Գագիկ Տեր-Ղազարյանի մրցանակի արժանացած հոդվածն է տիեզերաբանական կարևորագույն հարցերից մեկին վերաբերող «Հարաբերական արագությունը պսևդո-Ռիմանյան տարածաժամանակում» (Relative velocity in pseudo-Riemannian spacetime, Volume 69, Issue 2, pp. 151-171, Dec 2022)։ Մասնավորապես, հոդվածում տրվում է պսևդո-Ռիմանյան տարածաժամանակում մասնիկի հարաբերական արագության կոորդինատներից անկախ սահմանում։

Սիրով շնորհավորում ենք Գագիկ Տեր-Ղազարյանին Բյուրականի աստղադիտարանի հաղորդումներ 2022 թվականի (ComBAO 2022) լավագույն հոդվածի հաղթողը ճանաչվելու կապակցությամբ։

Մելինե Ասրյան