Մամուլի հաղորդագրություն

ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 05.05.2023

ՀԱՅ-ՎՐԱՑԱԿԱՆ ԱՍՏՂԱԳԻՏԱԿԱՆ ՀԱՄԱԳՈՒՄԱՐԸ ՄՈՏԵՑԱՎ ԱՎԱՐՏԻՆ

Հայ-վրացական (Բյուրական-Աբասթուման) XV համատեղ կոլոքվիումը մոտեցավ իր ավարտին։

Այս տարի կոլոքվիումը նվիրված էր հայ անվանի աստղագետ Լյուդվիկ Միրզոյանի 100-ամյակին և բաղկացած էր տարբեր նստաշրջաններից։ Նստաշրջանների թեմաներն էին՝ արեգակնային ֆիզիկա, աստղեր և միգամածություններ, գալակտիկաներ և տիեզերաբանություն, ինչպես նաև տեսական աստղաֆիզիկա։

Զեկուցողները 21-ն էին, որոնց թվում 12 հայ և 9 վրացի աստղագետ։ Այս մի քանի օրերի ընթացքում հայ և վրացի գիտնականները հնարավորություն ունեցան փոխանակվելու իրենց փորձով և ծանոթանալու միմյանց՝ ոլորտում ունեցած ձեռքբերումներին։

Նշենք, որ հայ-վրացական I կոլոքվիումը նույնպես կայացել է Բյուրականի աստղադիտարանում 1974թ-ին։ Այն շատ լավ հարթակ է հանդիսանում հայ և վրացի աստղագետների միջև փորձի փոխանակման և գոյություն ունեցող կապի ամրապնդման, ինչպես նաև Հայաստանը ներկայացնելու համար։

Կոլոքվիումի մասին առավել մանրամասն այստեղ՝ https://www.bao.am/meetings/meetings/BAO-AbAO/index.html

Մելինե Ասրյան