Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 22.06.2023
ՀԵՐԹԱԿԱՆ ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅԱՆ ՊԱՇՏՊԱՆՈՒԹՅՈՒՆ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ
Այսօր Բյուրականի աստղադիտարանում տեղի ունեցավ ԵՊՀ Ֆիզիկայի ֆակուլտետի ուսանող Գևորգ Գարեգնի Հարությունյանի «Մեծ հեռավորությամբ բլազարների բազմահաճախային ճառագայթման մեխանիզմների ուսումնասիրությունը» ատենախոսության պաշտպանությունը։
Ատենախոսության գիտական ղեկավարն է ֆիզմաթ. գիտությունների դոկտոր Նարեկ Սահակյանը (ՀՀ ԳԱԱ Իկրանետ-կենտրոն ՄԿ)։ Առաջատար կազմակերպությունն է Երևանի պետական համալսարանը։ Պաշտոնական ընդդիմախոսներն են ֆիզմաթ գիտությունների դոկտոր Գագիկ Տեր-Ղազարյանը (ՀՀ ԳԱԱ Վ․ Համբարձումյանի անվան Բյուրականի աստղադիտարան) և ֆիզմաթ. գիտությունների թեկնածու Գրիգոր Ալավերդյանը։
Շնորհավորում ենք Գևորգ Հարությունյանին թեկնածուական թեզի պաշտպանության կապակցությամբ և մաղթում նորանոր ձեռքբերումներ։
Նշենք, որ սա 2019թ-ին վերաբացված «Ա.03.02 Աստղաֆիզիկա» մասնագիտական խորհրդի արդեն 8-րդ պաշտպանությունն է։
Մելինե Ասրյան
