Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 14.08.2023
«ԱՍՏՂԱԹԱՓԸ ԲՅՈՒՐԱԿԱՆՈՒՄ» ՀԱՆՐԱՅԻՆ ՄԻՋՈՑԱՌՈՒՄԸ
Ս/թ օգոստոսի 11-13-ը Բյուրականի աստղադիտարանում կազմակերպվել էր Պերսեիդների ասուպային հոսքին նվիրված «Աստղաթափը Բյուրականում» հանրային միջոցառումը։ Աստղադիտարան էր եկել ավելի քան 3000 այցելու։ Նրանց շարքում կային թե՛ դպրոցականներ, թե՛ ՀՀ և օտարազգի քաղաքացիներ ու հատուկ հյուրեր, ինչը վկայում է աստղագիտության և աստղադիտարանի նկատմամբ հանրության ունեցած աճող հետաքրքրության մասին։
Նշված օրերին այցելուները հնարավորություն ունեցան ներկա գտնվելու անվճար դասախոսությունների՝ ԲԱ տնօրեն Արեգ Միքայելյանի կողմից, հետևելու Պերսեիդների ասուպային հոսքին, շրջելու ԲԱ տարածքում, այցելելու 1մ հայելու տրամագծով Շմիդտի աստղադիտակ և, իհարկե, Վիկտոր Համբարձումյանի տուն-թանգարան, որի մուտքն այդ օրերին այցելողների համար նույնպես անվճար էր։ ԲԱ երկու փոքր աստղադիտակներով գիշերային դիտումներն այդ օրերին շարունակվում էին մինչև ուշ գիշեր՝ 3։00-ը, ինչը նույնպես վկայում է այցելուների մեծ հետաքրքրության մասին։
Մելինե Ասրյան
