Մամուլի հաղորդագրություն
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 18.08.2023
ԱՇՈՏ ՄԵԼՔՈՆՅԱՆԻ 70-ԱՄՅԱԿԸ
Այսօր լրանում է Բյուրականի աստղադիտարանի (ԲԱ) նախկին գիտաշխատող Աշոտ Մելքոնյանի 70-ամյակը։
Աշոտ Մելքոնյանը ծնվել է 1953թ-ի օգոստոսի 18-ին Էջմիածին քաղաքում։ 1971-1976թթ նա սովորել է Երևանի պետական համալսարանի Ֆիզիկայի ֆակուլտետում։ 1977-1980թթ․ սովորել է ԲԱ ասպիրանտուրայում, իսկ 1980թ-ից աշխատանքի անցել ԲԱ Էլեկտրաաստղալուսաչափության լաբորատորիայում՝ որպես ավագ լաբորանտ։ Այնուհետև դարձել է կրտսեր գիտաշխատող, ապա գիտաշխատող։ 1991-1992թթ․ հանդիսացել է ԲԱ ընդհանուր հարցերի գծով փոխտնօրեն։ 1989թ-ին ստացել է ֆիզմաթ գիտությունների թեկնածուի աստիճան։
Նրա գիտական հետազոտությունները վերաբերել են աստղերի ֆիզիկային և փոփոխական աստղերին։
Ներկայումս Ա․ Մելքոնյանը հանդիսանում է ԵՊԸ աստղադիտարանի տնօրեն։
Սիրով շնորհավորում ենք Աշոտ Մելքոնյանին ծննդյան տոնի կապակցությամբ և մաղթում հաջողություններ:
Մելինե Ասրյան
