Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 07.09.2023
ՀԵՐԹԱԿԱՆ ՄԻՋԱԶԳԱՅԻՆ ՍԵՄԻՆԱՐԸ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ
Այսօր Բյուրականի աստղադիտարանում անցկացվեց հերթական միջազգային սեմինարը։ Զեկուցողն էր «Աստղագիտական շրջահայություններ» գիտահետազոտական բաժնի գիտական խորհրդատու Տիգրան Արշակյանը, ով ներկայացրեց «BL Lacertae՝ ռելատիվիստիկ լայնական ալիքները և գերլուսային շիթերի շարժումը» թեմայով սեմինարը։
Տ․ Արշակյանը ներկայացրեց BL Lacertae ռեակտիվ դինամիկայի ուսումնասիրությունները պարսեկից մինչև ենթապարսեկ սանդղակների վրա: Ուսումնասիրություններում օգտագործում են տվյալներ, որոնք ստացվել են 20 տարվա ընթացքում 15 ԳՀց հաճախականությամբ շատ երկար ստորին շարքի (VLBA/Very Long Baseline Array) վրա մշտադիտարկման արդյունքում՝ շնորհիվ ակտիվ գալակտիկական միջուկների շիթերի և VLBA փորձերի մշտադիտարկման միջազգային ծրագրի (MOJAVE): Նա նշեց, որ հայտնաբերվել են շարժվող և գրեթե անշարժ ռադիո բաղադրիչներ, ինչպես նաև լայնակի ալիքներ, որոնք շարժվում են շիթից ներքև գերլուսային արագությամբ: Նշենք, որ «գերլուսային արագությունները» թվացյալ են․ իրականում լույսի արագությունն ամենամեծն է Տիեզերքում։
Մելինե Ասրյան
