Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 23.10.2023
ԲԱ 2,6Մ ՀԱՅԵԼՈՒ ՏՐԱՄԱԳԾՈՎ ԱՍՏՂԱԴԻՏԱԿԻ ՎԵՐԱՆՈՐՈԳՈՒՄՆ ՈՒ ՁԵՎԱՓՈԽՈՒՄԸ
Այսօր՝ հոկտեմբերի 23-ին, Բյուրականի աստղադիտարանում անցկացվեց հերթական սեմինարը՝ նվիրված ԲԱ դիտողական գործիքների աշխատանքին։ Զեկուցողն էր ԲԱ ավագ ինժեներ Ալեքսեյ Գրավեն, ով ներկայացրեց ԲԱ ամենամեծ՝ 2,6մ հայելու տրամագծով աստղադիտակի վրա կատարված աշխատանքի արդյունքները։
Այս տարվա ընթացքում կատարվել են վերանորոգման և վերազինման աշխատանքներ, որի արդյունքում աստղադիտակը հնարավոր է եղել բերել փորձնական գործարկման։ Խոշորագույն գիտական սարքերը մեծ ներդրումներ են պահանջում կանոնավոր աշխատանքի ապահովման համար, սակայն ունեցած սուղ միջոցներով, ԲԱ տնօրինությունն ամեն ինչ անում է մեր դիտողական հնարավորությունների արդյունավետ օգտագործման համար։ Մասնավորապես այս պահին արդեն աշխատանքային վիճակում են 2․6մ, Շմիդտի համակարգի 1մ և 0․5մ և Կասեգրենի համակարգի 48սմ աստղադիտակները։ 2․6մ-ի վրա գործարկվել է նոր թվային ընդունիչ՝ CMOS:
Մելինե Ասրյան
