Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 01.11.2023
ՌՈԲԵՐՏ ԵՓՐԵՄՅԱՆԻ 85-ԱՄՅԱԿԸ
Այսօր կլրանար Բյուրականի աստղադիտարանի (ԲԱ) ամենահին հետազոտողներից մեկի՝ դոկտոր Ռոբերտ Եփրեմյանի 85-ամյակը (1938-2013):
Ռ․ Եփրեմյանը ծնվել է 1938թ-ի նոյեմբերի 1-ին Հայաստանի Էջմիածնի շրջանի Խաթունարխ գյուղում: 1962թ-ին նա ավարտել է Երևանի պետական համալսարանը (ԵՊՀ)։ 1963-2007թթ-ին աշխատել է ԲԱ-ում, 1979թ-ից եղել է ԲԱ գիտաշխատող: Ռ․ Եփրեմյանը պաշտպանել է իր թեկնածուական ատենախոսությունը 1982թ-ին պրոֆեսոր Գ.Ա. Գուրզադյանի ղեկավարությամբ։
Նրա հետազոտության հետաքրքրությունները վերաբերում էին աստղերին, աստղասփյուռներին, միջաստղային միջավայրին և միգամածություններին՝ մասնավորապես գերմանուշակագույն ճառագայթների ուսումնասիրություններին: Մասնակցել է միջազգային գիտական ծրագրերի։ Հրատարակել է ավելի քան 60 աշխատություն։
Մելինե Ասրյան
