Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 23.11.2023
ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՄԱՍՆԱԿՑՈՒԹՅՈՒՆԸ «ՀԱՄԱՀԱՅԿԱԿԱՆ ԳԻՏԱԺՈՂՈՎ - 2023»-ԻՆ
Նոյեմբերի 17-22-ը Երևանի պետական համալսարանում կայացավ «Համահայկական գիտաժողով - 2023»-ը՝ Բարձրագույն կրթության և գիտության կոմիտեի աջակցությամբ:
Վեցօրյա գիտաժողովի շրջանակում զեկուցումներով հանդես եկան Բարձրագույն կրթության և գիտության կոմիտեի կողմից հայտարարված մրցույթների շահառուները՝ ներկայացնելով ֆինանսավորման երաշխավորված գիտական թեմաների իրականացման ընթացքը և միջանկյալ արդյունքները։
Բյուրականի աստղադիտարանից (ԲԱ) զեկուցումներով հանդես եկան առաջատար գիտաշխատող Ելենա Նիկողոսյանը՝ Աստղառաջացման տիրույթներ` ձևավորում և էվոլյուցիա (Առաջատար հետազոտությունների աջակցության ծրագիր, 21AG-1C044), ԲԱ տնօրեն Արեգ Միքայելյանը՝ Գալակտիկաների էվոլյուցիայի վաղ փուլերի բացահայտումն ակտիվ գալակտիկաների բազմալիքային ուսումնասիրության միջոցով (Առաջատար հետազոտությունների աջակցության ծրագիր, 21AG-1C053), Գերմանիայի Յենայի համալսարանի գիտաշխոտող Վալերի Համբարյանը` Բարձր արագությամբ աստղերի որոնում և նույնացում բազմաստղերից դինամիկ արտանետումների և գերնորերի պայթյունների միջոցով (Հեռավար լաբորատորիաների հիմնադրման ծրագիր, 22RL-039):
Գիտաժողովի նպատակն էր խթանել գիտության տարբեր ոլորտների զարգացումը, ինչպես նաև հնարավորություն ընձեռել մասնագետներին ծանոթանալու հարակից ոլորտների գիտահետազոտական աշխատանքներին և առաջընթացին:
Մելինե Ասրյան
