Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 23.11.2023
ՀԵՐԹԱԿԱՆ ՀՐԱՎԻՐՎԱԾ ՍԵՄԻՆԱՐ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ
Այսօր Բյուրականի աստղադիտարանում անցկացվեց հերթական գիտական սեմինարը։ Այս անգամ զեկուցողն էր ՀՀ ԳԱԱ մաթեմատիկական և տեխնիկական գիտությունների բաժանմունքի ակադեմիկոս-քարտուղար ակադ․ Լենսեր Աղալովյանը, ով ներկայացրեց «Համաշխարհային ձգողականության ընդհանրացված-նյուտոնյան տեսությունը և սև խոռոչների դասակարգումը» թեման։
Իր զեկույցի մեջ Լ․ Աղալովյանը խոսեց իրենց կատարած աշխատանքի արդյունքների մասին։ Նրանք ընդհանրացրել են Համաշխարհային ձգողականության նյուտոնյան տեսությունը, ուսումնասիրել նոր տիպի կենտրոնական փոխազդեցություն, որի պոտենցիալ դաշտը բազմակի հզոր է նյուտոնյանից: Բացի այդ արտածել են պայմաններ, երբ մարմնի հետագիծը կոնական հատույթ է:
Լ․ Աղալովյանը նշեց նաև, որ կապ են հաստատել իրադարձությունների հորիզոնի, սև խոռոչների հետ և մշակել սև խոռոչների դասակարգման եղանակ:
Մելինե Ասրյան
