Մամուլի հաղորդագրություն |
  |
ՀՀ ԳԱԱ Վ. Համբարձումյանի անվ. Բյուրականի աստղադիտարան
Մամուլի հաղորդագրություն 04.12.2023
ՄԵԿ ՕՐՈՒՄ ԵՐԿՈՒ ՄԻՋԱԶԳԱՅԻՆ ՍԵՄԻՆԱՐ ԲՅՈՒՐԱԿԱՆԻ ԱՍՏՂԱԴԻՏԱՐԱՆՈՒՄ
Այսօր Բյուրականի աստղադիտարանում անցկացվեց երկու միջազգային սեմինար։
Զեկուցողներն էին Էդուարդ Վորոբյովը Վիեննայի համալսարանից (Ավստրիա) և Թամարա Մոլյարովան Ռոստովի պետական համալսարանից (ՌԴ):
Առաջին զեկուցողն Է․ Վորոբյովն էր, ով փորձ արեց պատասխանել «Արդյոք ֆուորների (FU Orionis տիպի աստղերի) առեղծվածը լուծվա՞ծ է» հարցին։ Նա խոսեց այն մասին, որ ֆուորները բնութագրվում են կարճ (տասնյակ տարիների) էպիզոդիկ բռնկումներով, որոնց ընթացքում դրանց լուսատվությունն աճում է աստղային մեծության կարգերով։ Նման բռնկումների հնարավոր պատճառը կարող է լինել ձգողականության խանգարումը երիտասարդ աստղաառաջացման շրջաններում սերտ անցումների ժամանակ:
Իսկ Թ․ Մոլյարովան ներկայացրեց «Ֆուորների անցյալի բռնկումների մոլեկուլային ցուցիչները» թեման։ Վերջինս նշեց, որ էպիզոդիկ աճանստվածքի տարբերակը ենթադրում է, որ լուսատվության բռնկումները տեղի են ունենում երիտասարդ աստղային օբյեկտների մեծ մասի հետ: Հնարավոր է, որ ներկայիս թույլ երիտասարդ աստղային օբյեկտներց շատերը ունեցել են լուսատվության բռնկումներ, ինչը կարող էր որոշակի հետքեր թողնել դրանց քիմիական բաղադրության մեջ: Նման դիտողական ցուցիչներ գտնելու համար Մոլյարովան և իր գործընկերները օգտագործում են նախամոլորակային սկավառակի աստղաքիմիական և ճառագայթման տեղափոխման մոդելավորումը։
Մելինե Ասրյան
