Բյուրականի աստղադիտարանում (այսուհետ՝ ԲԱ) կազմակերպվում են ընդհանուր սեմինարներ երկուշաբթի և հինգշաբթի օրերին։ Անցկացվում են գիտական (S-scientific), տեսահայական (Rv-review), տեխնիկական (T-technical), հաշվետու (Rp-report) և տեղեկատվական (I-informational) բնույթի սեմինարներ։
Խրախուսվում են աստղագիտական ուսումնասիրությունների որևէ ոլորտ ներկայացնող տեսահայական սեմինարները, որոնք, համաձայն ԲԱ տնօրեն Արեգ Միքայելյանի՝ 2018թ․-ի նոյեմբերի 9-ի թիվ 305 հրամանի, վարձատրվում են 20․000 դրամ հավելավճարով։
Յուրաքանչյուր ամսվա վերջին երկուշաբթի օրը նախատեսվում է անցկացնել ԲԱ գիտահետազոտական բաժիններից որևէ մեկի տարեկան ամփոփիչ սեմինար, որի ընթացքում տվյալ բաժնի վարիչը համառոտ կերպով ներկայացնում է իր ղեկավարած բաժնում ընթացող գիտական աշխատանքները և վերջին տարվա ընթացքում ստացված կարևոր արդյունքները։
Գիտական գործուղումներից վերադարձող ԲԱ գիտաշխատողները, ինչպես նաև՝ դրամաշնորհների արժանացած գիտական ծրագրերի ղեկավարները ներկայացնում են հաշվետու սեմինարներ։
ԲԱ-ում սեմինար անցկացնելու համար սեմինարի վերնագիրն ու ամփոփագիրը պետք է ուղարկել սեմինարից առնվազն մեկ շաբաթ առաջ՝ առցանց լրացնելով սեմինարների հայտը։
Լրացուցիչ տեղեկությունների համար կարող եք կապվել մեզ հետ`
Սեմինարների ղեկավար՝ | Արուս Հարությունյան |
Էլ․ փոստ՝ | arus@bao.sci.am |
Հեռախոս՝ | (+374) 93 76 50 16 |
Սեմինարների քարտուղար՝ | Նաիրա Ազատյան |
Էլ․ փոստ՝ | nayazatyan@gmail.com |
Հեռախոս՝ | (+374) 99 99 28 81 |