Մամուլի հաղորդագրություն

      

ՀՀ ԳԱԱ Վ․ Համբարձումյանի անվ. Բյուրականի աստղադիտարան
Մամուլի հաղորդագրություն 15.04.2019


ՊԱՏԱՆԻ ՀԵՏԱԶՈՏՈՂԻ ԱԿՈՒՄԲ

Ս.թ. ապրիլի 13-14-ին ՀՀ ԳԱԱ Վ. Համբարձումյանի անվ. Բյուրականի աստղադիտարանում անցկացվեց «ՊԱՏԱՆԻ ՀԵՏԱԶՈՏՈՂԻ ԱԿՈՒՄԲ» խորագիրը կրող ուսուցիչների վերապատրաստման 2-րդ փուլը:

Ծրագրին մասնակցեցին Արագածոտնի, Արմավիրի, Գեղարքունիքի, Լոռու, Կոտայքի, Սյունիքի, Շիրակի, Տավուշի և Երևանի դպրոցների մոտ 20 ուսուցիչներ:

Դասընթացի շրջանակներում առաջարկվեց՝

  • պատանի հետազոտողի խմբակի վարում (ինչպե՞ս սկսել, ինչի՞ն ուշադրություն դարձնել)
  • աստղագիտության, ֆիզիկայի, քիմիայի ներկայացում փորձերի և խաղերի միջոցով
  • շրջագայություն Բյուրականի աստղադիտարանում:

Վերապատրաստումն անցկացրեցին Մարտա Սկրզիպովսկան, Էվելինա Գրացկան (Լեհաստան), Մարինե Չելիձեն, Նատելա Բագրատիշվիլին, Նատո Սամխարաձեն (Վրաստան):

Նշենք, որ նախագիծն իրականացվում է Հայկական աստղագիտական ընկերության և Անդր դը քամն սկայ (Under the Common Sky) լեհական կազմակերպության կողմից:

Շահառու բոլոր դպրոցներում հիմնված խմբակներում 2 ուստարվա ընթացքում կանցկացվեն հանդիպումներ: 2018/2019 ուստարվա ավարտին յուրաքանչյուր դպրոց տեղի համայնքում կկազմակերպի միջոցառում` գիտելիքներով և նոր մեթոդաբանությամբ կիսվելու նպատակով:

Մելինե Ասրյան



Address: 0213, Byurakan, Aragatzotn Province, Republic of Armenia
Tel: (+374-91) 195901
Email: observ@bao.sci.am

Copyright © 2017-2019, Byurakan Astrophysical Observatory